Shoqata ‘Biznesi për biznesin’: Jemi kundër pagesës 5 euro për Rrugën e Kombit

Fill pas deklaratës së Ministrisë së Transporteve dhe Infrastrukturës për koncesionin e Rrugës së Kombit, ka reaguar Shoqata ‘Biznesi për Biznesin’. Në reagimin e saj publik, shoqata ka qenë kundër pagesës së taksës prej 5 euro për mjetet, pasi sipas saj kjo autostradë është ndërtuar me fonde publike. Ndër të tjera shoqata theksoi se nuk ka argumente për taksë shtesë për mjetet, pasi rajoni i Kukësit nuk ka rrugë tjetër alternativë. “Për çdo mjet ne paguajmë taksën e qarkullimit. Rajoni i Kukësit nuk ka rrugë tjetër alternative. Kemi përvojë negative me koncesion të ngjashëm”, citohet në reagimin e shoqatës.