Zanë Mali: TI PIKTURON ME GJETHE STINE

I dashur

Ti pikturon trupin tim me gjethe stine

afshi yt i çmendur

djeg përtej diellit të mesgushtit

shpirtin e mallëngjyer prej kohësh

e shkrin me buzëqeshje.

Në çast

koha ndalet në çiltërsinë e Evës dhe Adamit.

Ndjenjat e përflakura

rrjedhin ngulmas

damarëve të mbufatur.

Ki mendjen

dashuria ime për ty

ia kalon edhe Maria Magdalenës.