Real Madridi eliminon PSG, Liverpool mund Porton

Skuadra e Real Madridit ka treguar se është “Mbretëresha” e Ligës së Kampioneve pasi arriti të kualifikohej në çerekfinale në ndeshjen e kthimit përballë PSG-së. Madrilenët fituan me rezultatin 2-1 në takimin e zhvilluar mbrëmjen e djeshme në Paris. Golat për Real Madridin u shënuan nga Cristiano Ronaldo dhe mesfushori Casemiro. Ndërkaq për PSG-në shënoi sulmuesi Edinson Cavani. Vendasit e mbyllën ndeshjen me 10 lojtarë pas ndëshkimit të Marco Verrattit me karton të kuq. Kujtojmë që ndeshja e parë zhvilluar në “Santiago Bernabeu” përfundoi me rezultatin 3-1 për madrilenët. Ndërkaq në takimin tjetër Liverpool dhe Porto e mbyllën me rrjeta të paprekura. Liverpool u kualifikua pas fitores së thellë në takimin e një jave më parë me rezultatin 5-0.