Giuliani: Përkrah popullin iranian dhe sanksiononet kundër regjimit
NCRI – Ish kryetari i bashkisë së Nju Jorkut Rudy Giuliani i kërkoi qeverisë amerikane dhe bashkësisë ndërkombëtare që të imponojnë sanksione të mëtejshme mbi regjimin iranian dhe të mbështesë popullin iranian që po kërkon liri dhe demokraci në Iran.
Giuliani i bëri këto komente në një drekë të Klubit të Shtypit Kombëtar në Uashington DC të enjten, 1 mars, me titull “Kryengritja e Iranit: Thirrje për ndryshimin e regjimit, opsionet e politikës amerikane”. Ishte e katërta në një seri forumesh mbi politikën e Iranit të sponsorizuar nga Organizata e Bashkësive iraniano-amerikane (OIAC-US).
Giuliani gjithashtu shfrytëzoi rastin për të lavdëruar popullin iranian për kryengritjen e tij anti-regjim dhe për të lavdëruar administratën amerikane për mbështetjen e protestuesve.
Ai tha: “Jam shumë i lumtur që në fillim të dhjetorit … përkrahja publike e presidentit ndaj protestuesve anti-regjim, që u përhapën në 142 qytete në Iran, ndryshoi në thelb politikën e jashtme amerikane. Kryengritjet [në Iran] nuk ishin aspak sporadike. Ato ishin shumë mirë të organizuara… në çdo qytet të madh në Iran… dhe vazhdojnë deri më sot”.
Kur u pyetën për të komentuar mbi sloganet dhe parullat e popullit iranian “reformatorë, linjë e ashpër – loja ka marrë fund” Giuliani u përgjigj se nuk ka të moderuar apo reformues brenda regjimit iranian.
Giuliani gjithashtu lavdëroi opozitën e organizuar të Iranit për pozitat e saj demokratike dhe lidershipin dhe angazhimin e saj për një Iran të Lirë edhe pse është përndjekur rëndë nga regjimi.
Ai tha: “MEK [organizata Mujahedin-e Khalq] është një lëvizje e rëndësishme në Iran…Nuk ka asnjë organizatë aq gjithëpërfshirëse sa MEK ose me mbështetje të brendshme dhe të jashtme…Duhet të jetë e qartë që në fillim se MEK nuk është e interesuar të dominojë vetëm politikën në Iran… gjithnjë ka qenë një organizatë që kërkon demokraci, liri, të drejta për gratë, të drejta për të gjithë, dhe një Iran jobërthamor dhe paqësor”.
Giuliani foli gjithashtu për shpresat e tij për një Iran post-teokratik, duke hedhur poshtë shqetësimet se Irani do të ishte një vakum politik dhe mbështeti udhëheqjen e Maryam Rajavi, e cila prej 25 vjetësh ka qenë Presidentja e zgjedhur e Rezistencës iraniane.
Ai tha: “Kemi një alternativë të shkëlqyeshme tek Madame Rajavi…Kemi një grua që e ka provuar veten, kemi një grua që është mjaft popullore në Iran…jashtëzakonisht popullore… Ajo është në favor të lirisë, demokracisë ekonomike, të drejtave të grave”.
Giuliani u bëri thirrje gjithashtu SHBA që të sigurojnë që populli iranian të ketë “akses të hapur në internet pa ndërhyrje”, dhe bëri thirrje për sanksione shtesë, veçanërisht për qasjen e regjimit në bankë.
Ambasadori Lincoln Bloomfield Jr, Ndihmës Sekretari i Shtetit për Çështjet Politiko-Ushtarake gjatë Administratës së Bushit, moderoi ngjarjen.