Nora Malaj: Dua të jem zëri yt!

Ata janë si ne, vetëm se janë me aftësi ndryshe! Të japin shumë dashuri, të shohin në sy, të dhurojnë buzëqeshjen më të sinqertë dhe më të bukur në botë dhe të thonë ‘jam edhe unë në ketë botë, ndaj më shihni, më ndihmoni e ma bëni të bukur jetën në ketë tokë’!

A e dini se 1 në 10 fëmijë në Shqipëri është me aftësi ndryshe? A e dini se 65 për qind e fëmijëve me aftës ndryshe jetojnë në kushte të vështira jetese? A e dini se 75 për qind e fëmijëve me aftësi ndryshe ndjekin shkollën e të tjerët ende jo? A e dini se 58 për qind të nënave dhe 37 për qind të baballarëve të fëmijëve me aftësi ndryshe janë të papunë dhe nuk marrin shpenzimet minimale për jetën?

Kjo është fatkeqësisht pamja që na shfaqet sot në të emblen Shqipëri ku secili prej nesh do të jetoj si njeri! Nëse nuk do të duam njëri- tjetrin askush nuk do na dojë e besojë. Sot në diten ndërkombëtare tuajën, dua të jem zëri yt, që të buçasi fort, për ta zgjuar nga gjumi qeverinë e për të thënë që të gjithë së bashku duhet të bejmë shumë më shumë për ju, se Ju jeni si ne, po me një aftësi ndryshe, që ju bënë edhe më të bukur!