Nga tragjedia me 14 të vdekur në Maqedoni, humbën jetën edhe 8 shqiptarë

Në tragjedinë rrugore që ndodhi mbrëmë në Maqedoni, gjetën vdekjen e dhimbshme edhe tetë shqiptarë të vendit fqinjë. Një prej tyre ishte Onur Sadiku që shikoni në foto. Djaloshi 19-vjeçar që ka ndërruar jetë mbrëmë në aksidentin me autobusin që udhëtonte nga Shkupi për në Tetovë, sapo kishte filluar studimet në Fakultetin e Mjekësisë në Shkup. Ndërsa familja e tij jeton në Kroaci. Në tragjedinë rrugore humbën jetën 14 vetë dhe veç Onurit edhe shtatë shqiptarë të tjerë të Maqedonisë.

Viktimat e tragjedisë rrugore:

1. Onur Sadiku, 19-vjeçar nga Gostivari,
2. Esat Emruli nga Gostivari,
3. Ajdin Ismaili, 19 vjeç nga Gostivari,
4. Besim Fetai nga Vrapçishta,
5. Rametulla Abdurraimi, djalë i vetëm i familjes Abdurraimi,
6. Besim Kamberi nga fshati Senakos i Gostivarit,
7. Bejza Uzeiri nga Banjica e Poshtme,
8. Valdete Hamiti, (1989), nga Debreshti i Gostivarit, nënë e dy fëmijëve të mitur,
9. Jovica Tërpevski, djali i deputetit Bllagojçe Tërpevski nga Gostivari,
10. Zoran Davidovski (1981), punonjës në Qytetin e Shkupit,
11. Tërpana Janevska, pensioniste nga Gostivari,
12. Boban Avramovski, student i FON-it,
13. Dejan Ristevski, i punësuar në Bankën Popullore të Maqedonisë,
14. Pavle Kostoski, nga Gostivari, i sapo diplomuar në Fakultetin Juridik në Shkup.