Startupi Izraelit gati të shesë telefonin misterioz SP1 me fokus të veçantë tek privatësia

Një grup investitorësh ndërkombëtarë njoftuan se Sirin Labs, një startup me fond prej 72 milion dollarësh, po planifikon të krijojë një telefon inteligjent me performancë dhe privatësi të lartë. Njoftimi i Siri hodhi dritë mbi disa detaje të telefonit i cili do të quhet SP1, ndërsa informacionin e plotë do e kemi vetëm pas dy muajve kur të dalë në shitje. Dizajni i SP1, sipas Sirin, do të jetë ndërtuar në atë mënyrë që të ofrojë një siguri të pakrahasueshme me telefonë inteligjent modernë të ditëve të sotme. Grupi i investitorëve drejtohet themeluesit e firmës izraelite Singulariteam, Moshe Hogeg dhe Kenges Rakishev së bashku me veteranin e Google Tal Cohen. Ideja e një telefoni të tillë mori jetë kur vetë telefoni i Rakishev u hakuar në 2013-tën. Megjithatë koncepti nuk është i panjohur për ne, sepse Silent Circle nxori në shitje në 2014-tën të ashtuquajturin Blackphone – telefoni i zi – me të njëjtat funksionalitete privatësie. Blackphone funksiononte me një version të modifikuar të Android dhe kushtonte 800 dollarë. Bazuar në njoftimin e Sirin, SP1 pritet të jetë një telefon i kushtueshëm falë teknologjisë dhe funksionaliteteve më të fundit që mund të bart. Ajo që ngelet për tu parë është mënyra sesi telefoni i Sirin do ti arrijë objektivat e të prodhuarit të një telefoni të tillë. (PCWorld Albanian).