Bledar Koçi: UDHA NËN MUZG

U ftohën yjet atje lart

Si cërka dimri ranë përdhe,

S’e di sa nxin pa ty një natë

Dhe si do shkojë kjo udhë pa ne.

E jona hënëz s’do vështrojë

E mbytur muzgjesh vetmitare,

Një ledhë duarsh ç’do mungojë

Një puthje-çmendur mëkatare.

Me trumbë gjethesh vjeshta brodhi

Mbi flokët tanë mbi sup e sy,

Dhe shkundi erë, buqetë i mblodhi

Kujtim te artë për ne te dy.

U ftoh e fundit lamtumirë

Mbi cërka yjesh rënë përdhe,

S’e di se ç’hënë nga humbetirë

Mbi udhën muzg na sheh atje.