Ermonela Jaho kthehet në ‘Gran Teatre’ në Barcelonë

Sopranoja e njohur shqiptare Ermanela Jaho mbyll këtë vit aspak të lehtë nesër në skenën e “Gran Teatre” në liceun e Barcelonës me shfaqjen “La Traviata”. Në faqen e saj zyrtare në Facebook Ermonela Jaho shprehet e entuziasmuar që po rikthehet në Barcelonë.

“Nesër do të kthehem në “Gran Teatre”, Liceu Barcelonë në këtë prodhim të mrekullueshëm të “La Traviata”. Kjo muzikë më impenjon shumë, por ndoshta një ditë do të shikoj prapa dhe do të marr diçka nga ajo gjithashtu, deri atëherë vetëm sukese uroj për të gjithë kolegët”, shkruan Ermonela Jaho.

Në tetor e pam Ermonela Jahon të shkëlqente në shfaqjet e saj në Greqi, e më pas së bashku me Saimir Pirgun në Gjermani.

Pavarësisht pandemisë që bllokoi skenat e teatrove në mbarë botën, ky padyshim ishte viti i Ermonela Jahos, pasi sukseseve të saj i shtoi edhe albumin, të parin për të, “Anima Rara” i cili u rendit nga “Sunday Times” në 100 regjistrimet më të mira të vitit.