Kanada – Një person sulmon me sëpatë besimtarët në xhami

Një person në Mississauga të Kanadasë, ka spërkatur gaz lotsjellës ata që po faleshin në xhaminë Dar Al-Tawhid dhe donte t’i sulmonte ata me sëpatë.

Imami i xhamisë, Ibrahim Hindy tha se një sulmues me gaz lotsjellës dhe sëpatë u ndalua para se të mund të lëndonte ata që po përgatiteshin për namazin e mëngjesit.

Hindy vuri në dukje se askush nga besimtarët nuk u lëndua, por shumë njerëz u ndikuan nga gazi lotsjellës.

Policia e Qarkut Peel njoftoi se sulmuesi u arrestua.