Zanë Mali: PËRTEJ ÇDO DYSHIMI

 

Ka kohë që t’kam nën masa të fshehta vëzhgimi

përtej çdo dyshimi që m’u ka sforcuar

botërisht mund të ta ngris aktakuzën

me cilësimin e koduar “Dashuria“

 

Nëse askush tjetër

Zoti do ta pranojë këtë parashtresë.

 

Gjatë mbledhjes së provave

botës mund t’i dëshmoj mjaftueshëm

për nurgosjen tënde përjetësisht në zemrën time.

 

Besomë

fjala përfundimtare imja do të jesh Ti

ankesa jote do t’bie në vesh të shurdhër.

 

Mos u pendo për fajësinë e ngarkuar

“krimin” e pafajshëm do ta vuajmë së bashku

duke jetuar sikur të ishim të lire.