Ardian Harizi: Karvani i flijimit

O nënëlokja ime, me fatin e Ajkunës;

Me shekuj e vrarë, nën thundrën e përdhunës;

I qëndrove lukunive, me gjakun e flijuar;

Kot t’i vunë prangat, nëpër këmbë e duar.

*

Në kullën me frëngji, ku ndihet era e barotit;

Shumë breza i rrite, në frymën e Kastriotit;

*

Karvani i flijimit për ty nënëloke, është i gjatë;

Nuk e zë dot poezia;

Me nder e krenari, do të rrëfejë historia;

Se cili ishte çmimi, që ka sot liria.