Francë, dorëhiqet ministri i Ekonomisë, do të kandidojë për president

Ministri i Ekonomisë i Francës, Emmanuel Macron, ka dhënë dorëheqjen nga qeveria e Hollande.

Sipas mediave franceze Macron synon të kandidojë në zgjedhjet presidenciale, vitin e ardhshëm.

Macron, 38 vjeç, ka qenë një figurë kontroverse në qeverinë e presidentit socialist, Francois Hollande.

Ai ka vënë në pikëpyetje javën 35-orëshe të punës në Francë, ndërsa për papunësinë e lartë dhe rritjen e dobët ekonomike ka fajësuar mungesën e konkurrencës.