Sulmet kibernetike ruse në zgjedhjet amerikane, largohet shefi i hetimeve Nunes

Devin Nunes, shefi i Komitetit kryesor Hetues të Kongresit të SHBA-së, i cili udhëhiqte hetimin ndaj dyshimeve për sulme kibernetike të Rusisë gjatë zgjedhjeve presidenciale në SHBA, ka dhënë sot dorëheqje të përkohshme, pasi  ai vetë është nën hetim tashmë. Nunes është duke u hetuar nga Komiteti i Etikës. Republikani Nunes dyshohet se ka bërë publike informacione sekrete të inteligjencës. Ai i ka quajtur akuzat tërësisht te rreme dhe me motive politike. Mike Conaway do ta udhëheqë tani hetimin ndaj Rusisë.