Trump: Putin po mbështet një njeri djallëzor si Assad

Presidenti amerikan Donald Trump thotë se homologu i tij rus Vladimir Putin po mbështet një njeri shumë djallëzor duke iu referuar liderit sirian Bashar Al-Assad.

Trump përmendi sulmin kimik të 4 prillit në Siri ku humbën jetën 90 persona, mes të cilëve shumë fëmijë. Putin tha një ditë më parë se akuzat e Uashingtonit kundër qeverisë siriane janë të ngjashme me deklaratat e bëra para se SHBA të mësynte në Irak në vitin 2003.

Një gjendje e tensionuar shihet edhe mes SHBA-së dhe Koresë së Veriut, ku nuk po mungojnë thumbat që liderët e dy vendeve, Trump dhe Kim Jong Un i hedhin njëri-tjetrit.

“Ne po dërgojmë një armatë atje. Shumë të fuqishme. Kemi madje edhe nëndetëse shumë më të fuqishme se avionët. Dhe gjithashtu kemi ushtrinë më të mirë në Tokë,” tha Trump më herët.