Gjimazistja nga Librazhdi u zhduk për disa ditë, ishte arratisur me të dashurin

Kjo që shihni në foto është vajza nga Librazhdi e cila ngriti në këmbë policinë që prej 6 ditësh, që kur nëna e saj deklaroi se ishte zhdukur pa lënë gjurmë.
Ndërsa policia arriti ta gjente mbrëmjen e djeshme, u zbulua se B. Mana që studion në gjimnazin “Ibrahim Muça” në fshatin Librazhd Katund të Librazhdit, ishte arratisur në një aventurë disa ditore me të dashurin. Këtë fakt ajo e ka pohuar pa droje edhe përballë policisë, të cilët e morën në pyetje menjëherë pasi u gjet. Gjimnazistja mësohet se ishte larguar pa adresë edhe herë të tjera, ndërsa një gjë të tillë e ka konsideruar si diçka normale. Ndoshta ky fakt ka detyruar nënën e saj të marrë masa dhe të lajmërojë policinë.
Më datë 11 prill në Komisariatin e Policisë Librazhd ishte paraqitur nëna e saj Nexhmie Mana, 40 vjeçe banuese në Librazhd Katund, e cila kishte bërë kallëzim për largimin nga banesa të vajzës B.Mana, 18 vjeçe, nxënëse në gjimnazin e Librazhdit, e cila ishte larguar më datë 7 prill.