Kërcënimet për Vlahutin, Xhaçka: Të refuzojmë gjuhën e urrejtjes

Ministrja e Mirëqenies Sociale, Olta Xhaçka reagoi ndaj shkrimit të gazetarit Kastriot Myftaraj për ambasadoren e BE, Romana Vlahutin ku thekson se çdo njeri normal e refuzon gjuhën e urrejtjes ndaj kujtdo.

“Dua të jap një mesazh që e gjykoj shumë të rëndësishëm, në cilësinë e drejtueses së një institucioni që mbështet pa dallim këdo, por edhe si grua e si nënë  – mbështes fort mesazhet e çdo shqiptari,  që u distancua nga gjuha e dhunës, marramendjet e dashakeqësisë dhe nga dhunimi i punës së bërë nga Bashkimi Evropian dhe nga Ambasadorja Romana Vlahutin. Çdo njeri normal dhe çdo qytetar i denjë, e refuzon gjuhën e urrejtjes ndaj kujtdo, aq më shumë ndaj një zonje”, tha Xhaçka.

Pak ditë më parë, gazetari Kastriot Myftaraj publikoi një shkrime me etiketime fyese ndaj ambasadores së BE-së, ndërsa shkruante se vrasja e saj nuk është akt terrorist.