Shkollat e Kosovës përkujtojnë ditëlindjen e Skënderbeut

Shkollat e Kosovës që mbajnë emrin e Skënderbeut, u dekoruan me flamuj me rastin e ditëlindjes së heroit tonë kombëtar.

Komisioni Qeveritar për Vitin Mbarëkombëtar Gjergj Kastrioti – Skënderbeu me rastin e ditëlindjes së heroit tonë kombëtar dekoroi disa shkolla në Kosovë, me flamuj të cilët mbanin logon e vitit mbarë-kombëtar dhe poashtu flamuj të cilët mbanin portretin e Skënderbeut.

Kjo është një simbolikë e rëndësishme e cila përçon një mesazh për gjeneratat e reja se historia s’duhet harruar. Falë luftës së Gjergjit dhe qëndresës së tij ne sot frymojmë shqip.