Meksika gjunjëzon kampionen në fuqi, Gjermania në veshtirësi

Meksika gjunjëzon Gjermaninë në ndeshjen e parë në Botërorin e Rusisë. Kampioni aktual i Kupës së Botës, Gjermania, e ka nisur me humbje Boterorin në Rusi. Ishte Meksika ajo që befasoi Gjermaninë duke shënuar fitore minimale 0-1, dhe që kishte mundësi të shënonte edhe shumë gola të tjerë përmes kundërsulmeve të frikshme. Golin e tri pikëve e realizoi Hirving Lozano në pjesën e parë në minutën e 35-të. Gjermania bëri gjithçka deri në fund të ndeshjes, por nuk ia doli të gjejë as golin e barazimit. Kampioni tani ka zero pikë në Grupin F, ndërsa sfida tjetër e këtij grupi zhvillohet nesër mes Suedisë e Koresë së Jugut.