Ligji për shembjen e teatrit, kjo është marrëveshja me BE-në që shkelet

Ligji për shembjen e teatrit kombëtar që u votua nga socialistët të enjten në Parlament bie ndesh jo vetëm me shumë procedura, ligje e rregullore në shtetin shqiptar por edhe me marrëveshje ndërkombëtare që janë detyruese për Shqipërinë.

“Ligji për shkatërrimin e Teatrit Kombētar dhe grabitjen e truallit publik shkel edhe MSA me Bashkimin Europian, neni 71, 74. Asnjë kompani shqiptare a europiane nuk u lejua të garonte! Përveç Fusha shpk! E cila favorizohet duke i falur truallin me 1/5 e çmimit”, argumenton në një postim të tij deputeti i PD-së, Genc Pollo.

Ligji u miratua nga 75 deputetë të majtë në Parlament ndërkohë që opozita nuk u përfshi në votim.