Përvoja kineze për kultivimin e orizit, ku s’kanë munguar edhe poezitë

Një fotografi e vjetër e vitit 1962 është bërë publike në rrjetet sociale, derisa shihen disa gra në zonën e Zadrimës, duke marr trajnim nga një specialist të ardhur nga Kina për kultivimin e orizit.

Zadrima është fushë në Ultësirën Bregdetare, pjesë e fushës së Nën-Shkodrës, në rrethin e Lezhës. Shtrihet midis Drinit të Lezhës në perëndim dhe malit të Hajmelit dhe atij të Velës në lindje. Është një fushë e sheshtë dhe shumë e ulët, 20-25 metra mbi det.

Kjo zonë ka qenë shumë e famshme pasi shumë vite më parë është mbjellur oriz.

Kjo bimë lidhet ngushtë edhe me dietën mesdhetare, ku vendet përkatëse e përdorin si lëndë kryesore në menytë e tryezave në familje.

Në Shqipëri para viteve 1990, kultivimi i orizit zinte mbi 15000 ha tokë, ku zona tradicionale ishin Shkodra dhe Lezha, Kavajë, Lushnje, Fier, Vlorë, Sarandë etj, ku prodhohej 6-9 ton oriz për ha.

Ndërkaq specialit të orizit nga Kina kishin ardhur që të trajnonin shqiptarët në kultivimin e orizit, gjatë viteve 1960. Një fotografi e publikuar në rrjetet sociale shihet një burrë kinez duke trajnuar disa gra shqiptare. Që prej viteve ’90 në Shqipëri nuk është kultivuar më bima e orizit, ndërsa këtë vit është rikthyer kultivimi i tij.

Që nga Shkoda në Sarandë

Orizoret radhë-radhë

Specialisti Xi kinez

Mëson gratë të hedhin farë

Kjo ishte një nga poezitë, mes shumë të tjerave, që këndohej deri në 1978 se pas këtij viti shpërthyen të tjera si më poshtë:

Mori vesh e kush se mori

Pekini maskën e çorri

Dhe formoi tetë pika

Në guzhinë te Amerika…