AZEM SHKRELI: DITARI I SË PREMTES

Natën e mirë, asgjë s’mundi të ndodhë

Gjithë ditën, mezi qe e premte,

Mezi lindi pak dielli, vonë pasdreke

Sa të jetë data katërmbëdhjetë,

Sa të flenë mbi barin e urtë të Tafr Toskës, xixëllonjat

Natën e mirë, mundime, sendesh të vogla

Flini, unë sonte vetëm do ta vë një gur fjale nën kokën e lodhur të ditës

Vetëm ujë të verdhë do të derdh për shëndetin e bimëve të verdha,

E do t’vete se asgjë s’mundi të ndodhi,

Pos të jetë e premte,

Sa të flenë mbi barin e urtë të Tafr Toskës, xixëllonjat,

Datë e lënguar, nëse fyshkesh sate s’do të përshkrohesh lakuriq si krimbi

Datë e lënguar, po të lë mes numrash harrimit

Po të lë dhe vetë po nisem një mendimi që s’na e fle moshën e të premteve.