Rudina Muharremi Beja: MË DUHET TË SHKOJ

Më duhet të shkoj larg egos tënde

për të mbetur atje pasqyrave të shpirtit.

të ndjek pulëbardhat që cekin qiejt

e zbresin jetën të gjejnë liqenit.

Anijet ëndërrimtare tek shkojnë të ndjek

ujërave të panjohura me të vetmen shpresë

për t’u kthyer sërish Itakës që pret

ku një diell çel syrin mes resh.

Më duhet të shkoj pa bujë e zhurmë

ditës që vdes me muzgun e thyer

vështrimin për ta kthyer në harresë

tek dhimbja prek ashtin e fanitet syrit.

Më duhet të shkoj

Më trembin cektinat.