PROREKTORJA VENERA LLUNJI MBAN SESION PREZANTUES PËR KOLEGJIN AAB NË JAVËN NDËRKOMBËTARE TË STAFIT

Në ditën e dytë të Javës Ndërkombëtare të Stafit, prorektorja për Marrëdhënie Ndërkombëtare dhe Bashkëpunim Venera Llunji, përmes një sesioni prezantues ka informuar pjesëmarrësit për Kolegjin AAB.

Në këtë prezantim janë përfshirë programet e studimit që ofrohen, bashkëpunimet me universitete ndërkombëtare, rëndësinë e shkëmbimeve dhe bashkëpunimin në fushën e hulumtimit dhe botimit.

Pas prezantimit u mbajt tryezë diskutimi, ku u fol për ndërkombëtarizimin si mënyrë e avancimit të arsimit të lartë, si dhe arsyet përse partnerët aktual dhe institucionet e tjera ndërkombëtare duhet të bashkëpunojnë me Kolegjin AAB.

Të pranishmit u pajtuan që ndërkombëtarizimi ekspozon studentët dhe personelin akademik ndaj qasjeve të ndryshme, perspektivave, kulturave dhe mënyrave të ndryshme të të menduarit.

Prorektorja Venera Llunji mban sesion prezantues për Kolegjin AAB në Javën Ndërkombëtare të Stafit