Astrit Lulushi: Zemra dhe Truri

Zemra nuk mendon ndryshe nga truri. A e dini se zemra juaj mendon? Ashtu si në të vërtetë sistemi diellor. Trupi mund të konsiderohet si një kompjuter biologjik. Neurokardiologjia është një disiplinë shkencore që tregon se zemra është një organ shqisor.  Zemra funksionon si qendër për marrjen dhe përpunimin e informacionit eterik dhe emocional. Sistemi nervor brenda zemrës i mundëson asaj të mësojë, të mbajë mend dhe të marrë vendime funksionale të pavarura nga korteksi cerebral i trurit. Ne e krahasojmë këtë sistem me atë në tru, pasi të dy përdorin procese njohëse.  Eksperimentet shkencore tregojnë se sinjalet e transmetuara vazhdimisht nga zemra në tru ndikojnë në funksionin e qendrave më të larta të trurit – ato të përfshira në perceptimin, njohjen dhe përpunimin emocional. Ndërgjegjja jonë ka gjithmonë të drejtë, është pjesë e jona që përcakton të drejtën nga e gabuara dhe rregullon sjelljen tonë morale.

Zemra i komunikon informacion trurit dhe pjesës tjetër të trupit nëpërmjet ndërveprimeve të fushës elektromagnetike. Zemra gjeneron fushën elektromagnetike ritmike më të fuqishme dhe më të gjerë të trupit. Komponenti elektrik i zemrës është pothuajse njëqind herë më i madh në amplitudë sesa fusha elektrike e prodhuar nga truri. Ajo përshkon çdo qelizë të trupit. Komponenti magnetik është afërsisht 5000 herë më i fortë se fusha magnetike e trurit. Mund të zbulohet disa metra larg trupit me magnetometra të ndjeshëm. Në kombinim me ndërgjegjen – njohja e asaj që është universalisht e saktë dhe e duhur – forca elektromagnetike e zemrës përcakton aftësinë e individit për dashuri. Ne jemi të larë fjalë për fjalë në dashuri. Në çdo aspekt Dashuria triumfon mbi të gjitha.