Irena Kuka Dragoti: Kur nisa të dua veten…

Kur nisa të dua veten…

u ndjeva si lumi në kërkim të detit.

E tashmja u kthye në kohën e duhur

në vendin e duhur shkoi dhe shpirti.

Kur nisa të dua veten

zhgënjimin nxora në det të hapur

me varka të vogla fjalësh…

Zëri brenda meje si këmbanë

lajmëroi meshën e rritjes

Si urti udhëtova drejt farit lajmëtar..

aty ku e ardhmja tha se do dritë,

të më gjejë mua fatlumen,

e të mbjellë një ëndërr në skaj të përrallës

Kur nisa të dua veten,

nuk më mjeruan mendimet