Han Kang fiton çmimin Nobel në letërsi për “prozën intensive poetike” që përballet me brishtësinë njerëzore
Çmimi Nobel për Letërsinë 2024 i është dhënë Han Kang, një autore koreano-jugore, për “prozën e saj intensive poetike që përballet me traumat historike dhe ekspozon brishtësinë e jetës njerëzore”.
Han, 53 vjeçe, e filloi karrierën e saj me një grup poezish në një revistë të Koresë së Jugut, përpara se të bënte debutimin e saj në prozë në 1995 me një përmbledhje me tregime të shkurtra.
Më vonë ajo filloi të shkruante vepra më të gjata në prozë, veçanërisht “Vegjetariane”, një nga librat e saj të parë që u përkthye në anglisht. Romani, i cili fitoi Çmimin Ndërkombëtar Man Booker në vitin 2016, përshkruan përpjekjen e një gruaje të re për të jetuar si vegjetariane pas vuajtjes së maktheve makabre për mizorinë njerëzore. Han është autorja e parë koreano-jugor që fiton çmimin e letërsisë dhe vetëm gruaja e 18-të nga 117 çmimet e dhëna që nga viti 1901.
Çmimi, i shpallur në Suedi të enjten, mbart një çmim në para prej 1 milion dollarë. Në një deklaratë të postuar në Facebook të enjten, presidenti i Koresë së Jugut, Yoon Suk Yeol, e përshkroi fitoren e Hanit si “një arritje të madhe në historinë e letërsisë koreane” dhe një “rast kombëtar”. Ai shtoi: “Han i ka kthyer plagët e dhimbshme të historisë sonë moderne në letërsi të madhe”.
Pjesa më e madhe e veprës së Han shtron pyetjen, e shprehur nga një personazh në romanin e saj të vitit 2019 “Europa”, protagonisti i të cilit është përfshirë nga makthet: “Nëse do të kishit mundësi të jetonit ashtu siç dëshironi, çfarë do të bënit me jetën tuaj”? Megjithëse shumë nga protagonistët e Hanit janë gra, veprat e saj në prozë shpesh rrëfehen nga këndvështrimi i burrave.
Shkrimin e plotë të CNN për fituesen e Nobelit për letërsi 2024 e lexoni më poshtë: