Mimoza Bici: Si mbete hije shpirti im
Si mbete hije
shpirti im,
nga gjallesë
në siluetë
tek rend e më bën të ndjek
shikuar
e ndalur,
çfarë ndodhi me ty!
Duket sikur gjithë botën përpin
përpij me ty
Nuk mundem të gjej qetësi
sikurse dhe ti!
Nëse ike dhe gjete hapësirat pa dhimbje, pa zhurrmë
përse vërvitesh ende kësaj bote të gjumtë.
Kërkon të kthehesh,
ke mall të prekësh trupa të mishtë,
të ulërasësh mbi intriga, pabesitë
apo të ulesh diku me miq
të ndezësh zjarre mes këngësh që nuk u kënduan kurrë.
Ke mall të bësh dashuri
atë dashuri ku t’u bë dritë qiellit të ri!
Këtu i kam gjithçka që ke mall
kësaj bote jetojmë bashkë,
të vdekur e të gjallë.
Të ndjek sa fryma të përpin
a më përpin
Jepmë një puthje.
Si mbete hije
shpirti im….
9 shkurt 2025.
