Huffington Post: SHBA ka nevojë për një politikë të qartë në Ballkan

SHBA ka nevoj për politika të qarta në Ballkan, sekretari ri i Shtetit Amerikan Rex Tillerson është një person shumë i suksesshëm. Si administrator ExxonMobil, ai udhëhoqi kompaninë më të madhe të naftës dhe gazit në botë me të ardhura vjetore gati 270 miliardë $ os egati shumën totale të Pakistanit. Duke punuar dhe jetuar në vende të ndryshme nga Jemeni për në Rusi dhe shumë vende të tjera, ai është ndoshta një nga operatorët më të suksesshëm gjeo-politike të cilit i është konfirmuar ky post.

Pavarsisht kësaj , një gjë është e sigurt: Tillerson ka një betejë të vështirë përpara tij. Duke qëndruar në rrugën e tij për zbatimin e politikës së jashtme amerikane është përzierja burokratike e formuar gjatë viteve kur udhëhoqi Obama dhe tani është mbërthyer në rrugen e tij, të referuara si Dega e katërt e Qeverisë.

Mos bëni asnjë gabim; ka disa shërbyes civilë të karrierës të cilët do të punojnë në interes të SH.B.A. pa marrë parasysh se cila parti politike merr Shtëpinë e Bardhë. Megjithatë, shumë zyrtarë janë politizuar dhe kanë mbështetur demokratët. Sipas një studimi të kryer nga The Hill, rreth 95 për qind e individëve politike të punonjësve federale gjatë garës presidenciale mbështetën Hillary Clinton. Disa zyrtarë karriere madje kanë premtuar t’i “rezistojnë” administratës së re.

Fatkeqësisht, aktivizmi politik i Departamentit të Shtetit do të përhapet përtej Foggy Bottom dhe shtrihet në rrjetin global amerikan të ambasadave dhe misioneve pranë organizmave ndërkombëtarë..

Një shembull i qartë i kësaj është edhe në Ballkan.

Në muajt e fundit Ambasada e SHBA në Shqipëri, është akuzuar për ndërhyrje në punët e brendshme të vendit. Disa nga akuzat bëhen për marrëveshje të fshehta të Ambasadës me grupe të majtë si Fondacioni për Shoqëri të Hapur.Fondacioni për Shoqëri të Hapur është një rrjet organizatash joqeveritare i George Sorosit, i cili promovon ideologjinë globale“përparimtare” të miliarderit, që është shpesh jomiqësore me interesat amerikane. Axhenda “përparimtare” e Fondacionit për Shoqëri të Hapur është shpesh e shurdhër karshi ndjesive lokale – fetare e kulturore – veçanërisht në vende si Ballkani.

Ndonëse një aleat i rëndësishëm i NATO-s në Ballkan, Shqipëria përballet me shumë sfida. Reforma kontradiktore e sistemit të drejtësisë kaloi kohët e fundit në parlament. Nuk kishte konsensus kombëtar, pasi Partia Demokratike, e drejtuar nga Lulzim Basha bojkotoi votimin, pasi vërejtjet e saj për legjislacionin u injoruan.

Për vite me radhë, projektet e USAID-it të përqendruar te Reforma në Drejtësi janë financuar pjesërisht nga Fondacioni për Shoqëri të Hapur. Përzierja e George Sorosit në Shqipëri nuk është gjë e re. Kryeministri Edi Rama, socialist, ishte i ftuar në dasmën Sorosit. Kur Hillary Clinton drejtonte DASH, Soros komunikonte direkt me të dhe stafin e saj për të promovuar axhendën e tij në Shqipëri.

Ambasadori amerikan në Shqipëri, Donald Lu, kohët e fundit dhe shumë publikisht akuzoi Prokurorin e Përgjithshëm Adriatik Llalla për pengim të Reformës në Drejtësi. Kjo shkaktoi zemërim në Shqipëri. Zoti Llalla i shkroi Presidentit President Bujar Nishani dhe kryetarit të Kuvendit Ilir Meta për t’u ankuar për sjelljen vulgare të ambasadorit. Llalla madje pretendon në letër se Ambasadori Lu e ka kërcënuar.

“Në komunikim zyrtar dhe jozyrtar, Ambasadori Lu i ka bërë të qartë Prokurorit Llalla se, nëse ai nuk do të përkrahë publikisht ndryshimet në ligj, do të ketë pasoja personale dhe institucionale”.

Çfarë rrëmuje diplomatike!

Kjo vjen pas anulimit të vizave amerikane ditët e fundit për 70 prokurorë e gjyqtarë të lidhur me opozitën (askujt nga PS nuk iu anulua viza). Të dy incidentet mund të interpretohen si ndërhyrje partizane nga ambasada e SHBA , si një përpjekje për vetting-un për anëtarët e sistemit të drejtësisë. Kjo e ka bërë edhe më keq polarizimin politik në Shqipëri.

Përzierja në punët e brendshme të aleatëve të Amerikës është jo vetëm gjë e keqe për SHBA, por në kundërshtim me shpirtin dhe dokumentin e Konventës së Vienës për Marrëdhëniet Diplomatike të viti 1961. Neni 41 i Konventës deklaron se diplomatët kanë “detyrimin të mos ndërhyjnë në punët e brendshme të vendit ku janë akredituar”.

Aktivizmi politik brenda korridoreve të Foggy Bottom është mjaftueshëm i keq, kur shtrihet deri në ambasadat amerikane bëhet i dëmshëm për drejtimin e mirë të marrëdhënieve të SHBA me jashtë. Puna e diplomatëve duhet të jetë të mbrojë interesat kombëtarë të SHBA dhe jo interesat e ngushtë politikkë të një partie të vetme apo të një organizate joqeveritare.

Ndryshimi i mentalitetit brenda DASH do të jetë një proces i avashtë si kthimi i një cisterne të madhe nafte në Ngushticën e Bosforit. Teksa Tillerson fillon të pastrojë DASH, është e vlefshme të shihet nëse disa ambasadorë karriere janë jashtë linjës së qëndrimit të administratës së re për politikën e jashtme. Ka plot individë të aftë e me përvojë, në gjendje të përfaqësojnë Shtetet e Bashkuara, që mund të plotësojnë këto vende. Kjo është praktikë e zakonshme për postet e rëndësishëm diplomatikë në Londër, Berlin e Moskë, ndër të tjera. Kjo praktikë duhet të merret në konsideratë edhe për aleatët më të vegjël, përfshirë Ballkanin.

Një nga prioritetet e Administratës Trump ka qenë dëshira për të rindërtuar marrëdhëniet që janë ndrydhur për shkak të politikës së tetë viteve të mëparshëm. SHBA ka nevojë për miq e aleatë. SHBA ka nevojë edhe të mbrojë interesat e saj kombëtarë. Ndaj është jetësore që të ketë ambasadorë që e pranojnë këtë dhe nuk notojnë në ujërat shpesh të turbullt të politikave të brendëshme e partizane.