BERNS: VAJZA KËMBËZBATHUR

Ato nuk bën të jenë zbathur,
Po veshur me meshin të ri,
Dhe vashëza të vijë e mbathur,
Me një landon si Perëndi.

I derdhen flokët mi kraharuar
Posi përroj gjarpërimtar,
Shkëlqimi i syrit të kulluar
Do printe natën çdo lundrar.

Gjith’ bukuroshet i le në hije,
Megjithse bota nuk e njeh,
Është yll e nur përulësije
Dh’ajo m’e dashura mbi dhé.
Shqipëroi Lasgush Poradeci.