Brunilda Spiro: Mësimdhënia është dashuri për njeriun

Dy ndjesi më zgjuan plotësisht, sapo lexova këtë mesazh në mesenxher, kënaqesi dhe keqardhje. Kam marrë edhe shumë mesazhe të tilla në vitet që kam ikur dhe mendoj që nxënësit, të cilët dikur i mësoja, tani po më mësojnë jo vetëm të ndihem mirë, por edhe të vlerësoj mësimdhënien time. Nuk kanë rëndësi sa vite ke dhënë mësim, por sa gjurmë si këto ke lënë. Faleminderit!
Gezuar të gjithë mësuesve! Mësimdhënia nuk është art, këto janë fjalë të mëdha… Mësimdhënia është dashuri për njeriun që ke përballë, që është i vogël dhe i brishtë, por që pret prej teje shumë, jo vetëm njohuri të sakta e të ftohta, por ta duash e ndjesh njeriun dhe atë çfarë bën.