Irena Dragoti: E pajetuar

Asgjë nuk kisha ëndërruar kaq shumë

sesa dëshirën

të të mbyll brenda zemre

si gjaku në barkushet e saj

Të më rrëfeje lumturinë, netëve

me përrallën e Hirushes

ku rënia e këpucës së shkëlqimtë

të bëhet dëshmia në formën e rendjes

për mungesën që kërkojmë si mall.

Tani dëshira ime pret ndryshe

veshur me mardhin e heshtjes

ma kyçi dashurinë brenda një stine

që s’di pse nuk vjen asnjëherë