Irena Dragoti: Gri…

Mos eja në dhjetor

kjo mjegull gri ka etje,

për njerëz të ngjizur me diell..

Liqeni i Saint Claire, si lutje e pambrojtur

thyen rrezet e brishta

mbi luspat e peshqve që mërdhijnë.

*

Kënga e vesës ka heshtur

Era mpin sytë t’i prijë harresës

që le në vjeshtë..

Ndaj mos eja!

Është populluar qyteti me ngrica

Fryma mban erë mavijosjeje

I ngrirë është geni im i zjarrit

t’i lagë mallit, buzët e thara ..

Vello vejushash bien nga qielli,

në klepsidrën e mohimit të fatit…

*

Më dhimbset dimri…

lumturia nuk është tipar i ngjyrës së hirtë!