Ardian Haziri: Përtej grilave

Pjesën më të mirë të jetës rinore, e vodhën;

E mbuluan me ngjyrën e territ të frikshëm;

E futën në kuti fatkeqe, duke ia mohuar lirinë;

Atyre që nuk e njohën dorëzimin;

Dhe për atdhe, pranuan flijimin.

*

Trupin e mavijosur, të mbyllur brenda në qeli;

Por mendjen e hapur, për të drejta e liri.

*

Edhe në pjesën tjetër të atdheut;

Grilat ishin shpeshtuar;

Si këndej Demaçi, andej Pano Taçi;

Si këndej Lajçi, Merxhani e Kosumi;

Andej Velo, Zhiti e At Zef Pllumi.

*

Lista është e gjatë, nuk i zë dot poezia;

Me krenari do të flasin historia dhe letërsia;

Se cili ishte çmimi, që ka sot liria.