Dokumenti i Kongresit Amerikan: Shqipëria do ketë valë të re sanksionesh, ja personat dhe sektorët që janë përfshirë
Orgen Peci
Projektligji amerikan “Western Balkans Democracy and Prosperity Act” pritet të ketë ndikim të fortë në Shqipëri, veçanërisht në luftën kundër korrupsionit të lartë.
Pikat kryesore të këtij dokumenti të rëndësishëm të administratës amerikane që kanë të bëjnë me Shqipërinë janë:
Është caktuar një afat 90-ditor që përfundon në mars 2026 për të shpallur emrat pas një rishikimi të plotë të rrjeteve financiare që mbështesin politikanët e korruptuar.
Sipas dokumentit, në Shqipëri, pritet një valë e dytë sanksionesh, ku do të sanksionohen politikanë, biznesmenë dhe sekserë që ndihmojnë korrupsionin.
Sipas dokumentit, në Shqipëri, pritet një valë e dytë sanksionesh
Kjo lëvizje e SHBA-ve është një udhërrëfyes për SPAK-un: nga ngrirje pasurish drejt arrestimeve të nivelit të lartë, për të pastruar terrenin përpara zgjedhjeve të 2027.
Sektorët që do të hetohen më nga afër sipas dolumentit:
Teknologjia & AKSHI
Ndërtimi & pasuritë e paluajtshme – veçanërisht projektet luksoze.
Energjia – kompanitë shtetërore dhe koncesionet.
PPP-të, veçanërisht menaxhimi i mbetjeve dhe rrugët.
Bankat – për të shkëputur lidhjet me personat që do të sanksionohen.
Turizmi strategjik – projektet që kanë përfituar nga favorizimi politik.
Në thelb: SHBA po kalon nga emërtimi i politikanëve te ekspozimi i rrjeteve të tyre financiare, me synim hetimin, sekuestrimin dhe ndëshkimin penal përpara zgjedhjeve të ardhshme./gazeta dita
Post Scriptum
Washington- Shtetet e Bashkuara të Amerikës kanë intensifikuar vëmendjen ndaj Ballkanit Perëndimor, me fokus të veçantë Shqipërinë, ku sipas vlerësimeve konstatohet një nivel i lartë korrupsioni, shtrembërim i konkurrencës dhe ndërhyrje e krimit të organizuar, shpesh e lidhur me politikanë dhe zyrtarë të caktuar.
Në këtë kuadër, Kongresi amerikan paralajmëron një valë të dytë sanksionesh “Non Grata”, si edhe një proces vlerësimi 90-ditor në sektorë strategjikë që kanë qenë së fundmi në qendër të hetimeve ose dyshimeve për abuzime nga SPAK, përfshirë AKSHI-n, KESH-in, OST-në, si dhe institucione dhe ndërmarrje të tjera publike.
Akti për Demokracinë dhe Prosperitetin në Ballkanin Perëndimor, i miratuar nga Kongresi i SHBA-së, evidenton problematikat kryesore në Shqipëri dhe përcakton rrugë konkrete për adresimin e tyre, me synimin e goditjes së korrupsionit dhe fenomeneve kriminale përpara zgjedhjeve të vitit 2027.
Në raport theksohet se, përmes identifikimit të përkrahësve ekonomikë të korrupsionit, figurave të biznesit dhe “ndërmjetësve”, SHBA po ofron një udhërrëfyes të qartë për SPAK-un, për të kaluar nga ngrirja e aseteve drejt arrestimeve në nivele të larta, me qëllim pastrimin e tregut nga konkurrenca e shtrembëruar.
Në fokus të veçantë do të jenë kontratat e AKSHI-t, sektori i energjisë, pastrimi i parave, krimi i organizuar, mbikëqyrja e KESH dhe OST, projektet luksoze bregdetare dhe ndërtimet shumëkatëshe, PPP-të, monitorimi i sistemit bankar, si dhe rishikimi i projekteve që kanë përfituar status “strategjik”.
Sipas vlerësimeve amerikane, këto masa synojnë të krijojnë kushte për konkurrencë të ndershme dhe institucione më të forta, në prag të një procesi zgjedhor të konsideruar vendimtar për të ardhmen demokratike të vendit.
Pjesë nga raporti i Kongresit Amerikan:
Afati 90-ditor (që përfundon në mars 2026) pas miratimit të Aktit për Demokracinë dhe Prosperitetin në Ballkanin Perëndimor shënon një zhvendosje nga goditja e politikanëve individualë drejt çmontimit të rrjeteve financiare që i mbështesin ata. Në Shqipëri, rezultati më i mundshëm është një “valë e dytë” sanksionesh që lidh statusin Non Grata politik me ndjekjen penale. Duke emërtuar përkrahësit ekonomikë, figurat e biznesit dhe “ndërmjetësit” që lehtësojnë korrupsionin, SHBA po ofron në mënyrë efektive një udhërrëfyes për SPAK-un që të kalojë nga ngrirja e aseteve drejt arrestimeve në nivele të larta, me synimin për të “pastruar” tregun nga konkurrenca e shtrembëruar përpara zgjedhjeve të vitit 2027.
Sektorët kryesorë nën vëzhgim:
–Rishikimi 90-ditor i Departamentit të Shtetit synon sektorët ku fluksi i “parave gri” është më i lartë: -Teknologjia dhe infrastruktura digjitale: Fokus te kontraktorët e AKSHI-t dhe “taksa e korrupsionit” në shërbimet shtetërore digjitale. -Pasuritë e paluajtshme dhe ndërtimi: Shqyrtim i projekteve luksoze bregdetare dhe kullave të larta në Tiranë. -Energjia dhe shërbimet publike: Mbikëqyrje e korporatave shtetërore të energjisë (KESH, OST) dhe koncesioneve në energjinë e rinovueshme. -Partneritetet Publike-Private (PPP): Auditimi i kontratave për menaxhimin e mbetjeve dhe infrastrukturën. -Bankat dhe financat: Monitorim i bankave vendase për të siguruar shkëputjen e tyre nga “lehtësuesit” e rinj të sanksionuar. -Turizmi strategjik: Rishikim i projekteve që kanë marrë status “strategjik” përmes favorizimit politik”.
