Imazhet janë kopjuar nga një album perandorak zbuluar në bibliotekën e Jeldëz Qoshk dhe janë sjellë në Shqipëri nga dr. Ibrahim Temo…

Këto tre portrete, mendohet se i përkasin vëllezërve të Skënderbeut.

Mes 9 fëmijëve 4 djem e 5 vajza, Gjon Kastrioti, i ati  i Skënderbeut dhe e ëma Vojsava u detyruan, pas humbjes së betejës kundër ushtrisë osmane të Sulltanin Muratit më 1421 ti dërgojë peng në sarajet e sulltanit të katër djemtë e tij. Sipas burimeve historike besohet se tre vëllezërit e Skënderbeut u helmuan dhe vdiqën në kohën e qëndrimit të tyre në Ederne të Turqisë. Imazhet e portreteve të tyre, që vijnë nga kjo periudhë e largët e historisë, janë  ruajtur kryesisht në disa gravura e piktura të periudhës së mesjetës. Mes tyre janë edhe këto portreteve që ruhen të riprodhurara në arkivin Qendror të Shtetit në Tiranë, specifikisht në fondin e Fototekës.

Portretet janë kopjuar nga një gravurë e kohës  dhe dhe janë sjellë në Shqipëri  në vitet ’30-të nga dr.Ibrahim Temo.  Fotot mbajnë prapa shënimin: “Tre vëllezërit e Skënderbeut që u helmuan në Ederne prej qeverisë turke në vitin 1443. 1) Reposim (Mehmet bej), 2) Stonja (Selim Bej) dhe 3) Konstandin (Rustem bej) Kastrioti.

Në shënimin pas fotografisë, thuhet se portretet janë kopjuar nga një album perandorak gjetur në bibliotekën e Jeldëz Qoshk dhe janë dërguar në Shqipëri nga dr. Ibrahim Temo. Imazhet tregojnë se tre princërit e Kastritotit ishin në moshë mjaft të re kur u helmuan.

Nisja e princërve Kastrioti drejt sarajeve të Sulltanit

Paralelisht me këto tre portrete në fototekën e AQSh ruhet edhe një kartolinë (Ilustruar me një gravurë të periudhës së mesjetës, nuk jepet autori)  që tregon momentin kur Gjon Kastrioti dhe bashkëshortja e tij përcjellin katër djemtë e tyre për në Ederne, në sarajet e Sulltan Muratit. Katër djemtë shfaqen në moshë mjaft të njomë. Në një kënd të gravurës duken ushtarët të veshur me veshje kombëtare, ndërsa kështjella e Kastriotëve shfaqet madhështore,  në hyrje të së cilës shquhet shqiponja dykrerëshe.