Meta President, reagon Ngjela: “Çfarë po ndodh në Tiranë? “Ç’është ky sheqer kismet; një hajdut sot pamë mbret”…

Pas zgjedhjes së Presidentit të ri nuk kanë munguar urimet por edhe reagimet e ashpra. I tillë ka qenë edhe reagimi i Spartak Ngjelës i cili nëpërmjet një statusi në rrjetin social Facebook ka kritukuar zgjedhjen e presidentit të ri.

“Meta ktheu rrugë: u nis për në Çadrën e Saliut dhe përfundoi në Presidencë. Kë trembi: Ramën apo Donald Lunë?”-shkruan Ngjela.

Statusi i plotë:

Çfarë po ndodh në Tiranë?
“Ç’është ky sheqer kismet;
Një Hajdut sot pamë mbret”…

Meta ktheu rrugë: u nis për në Çadrën e Saliut dhe përfundoi në Presidencë. Kë trembi: Ramën apo Donald Lunë?
Ky ishte një turp i radhës. Po mos harroni se politika shqiptare është ende vjedhje dhe turp.

Në të vërtetë Çadra dhe tabori i Saliut e prisnin në Çadër, për t’i shpëtuar nga Reforma. Kurse vetë Meta ka qenë si i vdekur përballë Reformës dhe vetingut. Kurse, nuk e dimë: Donald Lu apo Rama e shtyu Metën në Presidencë?

Në të vërtetë asnjë ambasador nuk ishte në sallën e Kuvendit. Kjo është një shenjë e madhe pro shqiptarëve dhe likuidimit të korrupsionit, sidomos mungesa e ambasadorit amerikan. Njëlloj si në vitin 1997, kur ambasadorja amerikane Lino, nuk u pa në Parlament në zgjedhjen e Berishës President.

Në fakt, antireforma është zgjedhur sot President, dhe gjithashtu një individ i papranuar moralisht nga shqiptarët.

Po Saliu, si e përjeton këtë akt? Në fakt edhe Saliu e priste në Çadër.
Nuk ka më qesharake se sjellja e atyre që janë në kërkim. Sali ziu nuk e di që paratë iu janë gjetur, edhe atij edhe Metës… dhe të gjitha pronat e përvetësuara prej tyre.

Metën e kanë gënjyer pseudojuristët: ky nuk shpëton dot dhe nuk e bllokon dot Reformën në Drejtësi edhe si President i Republikës… njëlloj si ai që iku sot: një fantazëm e korrupsionit.

Kanë qenë të shumtë ata që e prisnin në Çadër, sepse kështu mendonin se e kishin të sigurt destabilizimin e Shqipërisë.
Po Meta i gënjeu, apo u pushtua nga frika?
Metën e trembi moskokëçarja amerikane për Çadrën dhe pranimi i zgjedhjeve pa taborin e korruptuar të Sali Berishës.

Koha vijon rrugën e saj… as Meta dhe as Berisha nuk e ndalon dot. Për këtë jam i sigurt.