Lu vlerëson Ministren Gjermeni, i shkruan letër: Ju jeni një nga njerëzit e parapëlqyer në qeveri

Dy ditë pas publikimit të Qeverisë së re “Rama 2”，Ambasadori Amerikan në Tiranë，Donald Lu është kujdesur që të vlerësojë e falenderojë Ministrat që nuk do të jenë më pjesë e këtij kabineti，mes të cilëve edhe Ministrja e Zhvillimit Urban，Eglantina Gjermeni.

Në letrën drejtuar zonjës Gjermeni，Ambasadori Lu ka veçuar bashkëpunimin e frytshëm të Ministres dhe ministrisë që ajo drejtoi në 4 vitet e ekzistencës së këtij insitucioni. Zoti Lu i drejtohet Ministres Gjermeni në formë shumë miqësore，Tina，ashtu sikurse e thërrasin miqtë dhe të afërmit e saj.

Më poshtë letra e plotë dërguar ministres Gjermeni sot në mesditë.

…….

E dashur Tina,

Në emër të  kolegëve në Washington dhe të Ambasadës Amerikane në Tiranë dëshiroj t’ju përgëzoj për 4 vitet e shërbimit shembullor si Ministre e zhvillimit urban. Ju jeni një nga njerëzit e parapëlqyer në qeveri për  arsye të kujdesit dhe qasjes njerezore në punën tuaj. E di që kalimi nga shoqëria civile në politikë ka qenë një sfidë për ju, por kam besimin e plotë se Shqipëria është më e mirë për shkak të shërbimit tuaj në qeveri. E di gjithashtu që ju jeni një nga zërat më të fuqishëm në mbështetje të barazisë dhe çështjeve gjinore në Shqipëri. Jam i sigurt që puna juaj drejtuese në këtë fushë do të vazhdojë. Ka qenë kënaqësi të punonim me ju në cilësinë e Ministres dhe mirëpresim çdo bashkëpunim me ju në të ardhmen. Ne vlerësojmë atë që ju keni bërë për Shqipërinë dhe për marrëdhëniet Shqipëri SHBA.

Sërish përgëzimet më të përzemërta.

Sinqerisht