Sadik Bejko: Rrotullimi i planeteve

D.

Asgjë s’ mund ta sjellë mrekullinë e agimit

Veç heshtja e sigurt e lëvrimit të planeteve tej, diku.

Kurrë s’mund ta dish se nën shtresimet thikë të territ

Zgjuar vështrimi im rreh të cekë sytë e tu.

Mundet dhe mëngjesit s’të gjej nën kaq mjegull,

Nën shtresat me akuj ku të fshehu nata.

Lëvrimi heshtur i ndjenjës gjer dhe shkrirja e Arktikut,

S’janë prerje me gërshërë fati për pritjet e gjata.