Mimoza Zymeri: LARG
Ika larg nga kujtimet e trishta
Larg nga njerëzit që më vranë
Qetësisht kuptova shumë nga jeta
Ndava gënjeshtrën nga e vërteta.
Shkova larg nga gjithçka
Aq larg ku kërkova qetësinë
Ta pushoja mendjen dhe shpirtin
Të rrija me veten, t’kem lirinë.
Nuk më duhej shoqëri,
n’shoqëri isha me veten
Gjërat e turbullta nga mendja i hoqa
Aty pashë, se unë isha mrekulli
N’qetësi vetveten njoha.
Veten të cilën dikur pavetëdijshëm lëndova
Veten të cilën nuk e desha
Veten të cilën e lashë të fundit
Veten të cilën nuk e vlerësova.
Kuptova që duhej t’i fshija kujtimet e trishta,
Ngase ato nuk kishin vlerë
Çdo gjë ishte vetëm gënjeshtër,
Ta doja veten më solli gëzim.
Please follow and like us: